ავსტრალია უკრაინას რუსეთთან ბრძოლისთვის 6 ერთეულ M777 ტიპის "ჰაუბიცას" და საბრძოლო მასალას გაუგზავნის. ინფორმაციას sky news-ი ავრცელებს.
არსებული ინფორმაციით, 155-მილიმეტრიანი ბუქსირებადი ქვემეხი 4100-კილოგრამს იწონის, მისი მოქმედების არეალი კი დაახლოებით 30 კილომეტრია.
"ეს დამატებითი სამხედრო დახმარება კიდევ უფრო შეუწყობს ხელს უკრაინას რუსეთის სასტიკ, დაუნდობელ და უკანონო შეჭრაზე საპასუხოდ", - ნათქვამია ავსტრალიის მთავრობის განცხადებაში.
გარდა ამისა, ავსტრალია უზრუნველყოფს 65 მილიონი აშშ დოლარის ჰუმანიტარულ დახმარებას, რაც მოიცავს ქალების, ბავშვების, მოხუცების დაცვას, მათ კვებას, თავშესაფრითა და პირველადი მოხმარების საგნებით უზრუნველყოფას.
