ნიდერლანდები, უკრაინაში სასამართლო ექსპერტიზის ჯგუფს გაგზავნის, რათა ჰააგის საერთაშორისო სისხლის სამართლის სასამართლოს მიერ დაწყებული გამოძიების ფარგლებში, ომის დანაშაულის მტკიცებულებები შეაგროვოს - ინფორმაციას უკრაინულია მედიასაშუალებები თავიანთ ტელეგრამის არხებზე ავრცელებს.
გამოცემის ცნობით, ვინ გაეგზავრება უკრაინაში, პარასკევს, მინისტრთა კაბინეტის ყოველკვირეულ სხდომაზე გახდება ცნობილი.
ცნობისთვის, ICC-ის მთავარმა პროკურორმა კარიმ ხანმა, ხელი მოაწერა შეთანხმებას ლიტვის, პოლონეთისა და უკრაინის გენერალურ პროკურორებთან ერთობლივ საგამოძიებო ჯგუფში მონაწილეობის შესახებ, რათა გამოიძიოს ომის დაწყების შემდეგ რუსი ოკუპანტების მიერ ჩადენილი შესაძლო სამხედრო დანაშაულები.
