რუსმა ოკუპანტებმა, ოთხი ფილტრაციის ბანაკი შექმნეს, სადაც მშვიდობიან მოსახლეობას აწამებენ, - ამის შესახებ მარიუპოლს მერმა ვადიმ ბოიჩენკომ საგანგებო ბრიფინგზე ისაუბრა.
მისი თქმით, ბანაკი მარიუპოლის მაცხოვრებლებისთვის მოაწყვეს, რომლებიც რუსეთში დეპორტირებულები არიან. ბოიჩენკო ამბობს იმასაც, რომ რუსი ოკუპანტები წამების ფსიქოლოგიურ და ფიზიკურ მეთოდს მიმართავენ, განსაკუთრებით ტატუს მქონე კაცებთან მიმართებით.
"ტატუები მათ ნაციონალისტურ სიმბოლოებად ეჩვენებათ, ქვას აძლევენ ბიჭს და ეუბნებიან: წაშალეო. ის ამ ტატუებს კანიდან აშორებს და რუსები იცინიან. ეს ხდება მარიუპოლში, 21-ე საუკუნეში", - ამბობს ბოიჩენკო.
