დიდი ბრიტანეთი უკრაინაში მოწყვლადი ჯგუფების დასახმარებლად 45 მილიონ ფუნტს გამოყოფს
გამოქვეყნდა:
დიდმა ბრიტანეთმა გამოაცხადა შემდგომი დახმარების პაკეტი უკრაინისა და მის საზღვრებში მოწყვლადი ჯგუფების დასახმარებლად.
საგარეო საქმეთა მინისტრის, ლიზ თრასის განცხადებით, 45 მილიონი ფუნტის (57 მილიონი აშშ დოლარი) პაკეტი გადაეცემა გაეროს სააგენტოებსა და საქველმოქმედო ორგანიზაციებს, რომლებიც მუშაობენ ძალადობისა და ზიანის მიმართ ყველაზე დაუცველთა დასახმარებლად.
"ბრიტანული დახმარება უკრაინაში ყველაზე დაუცველებს უჭერს მხარს, განსაკუთრებით ქალებსა და ბავშვებს, რომლებიც სექსუალური ძალადობისა და ექსპლუატაციის გაზრდილი რისკის წინაშე დგანან", - თქვა მინისტრმა.
BBC ოფიციალურ პირებზე დაყრდნობით წერს, რომ თანხები შემდეგნაირად გადანაწილდება:
- 15 მილიონი ფუნტი გადაეცემა გაეროს უკრაინის ჰუმანიტარულ ფონდს (UHF)
- 15 მილიონი ფუნტი გადაეცემა UNICEF-ს, გაეროს ბავშვთა ფონდს
- 10 მილიონი ფუნტი დააფინანსებს ჰუმანიტარულ ორგანიზაციებს სასაზღვრო ქვეყნებში, რათა დაიცვან იქ გაქცეული ქალები და ბავშვები
- 5 მილიონი ფუნტი გადაეცემა უკრაინის წითელი ჯვრის საერთაშორისო ფედერაციას
- ასევე, დამატებით 20 მილიონი ფუნტი გამოყოფილი იქნება პოლონეთში უკრაინელი ლტოლვილების ჰუმანიტარული დახმარებისთვის.
