"აზოვის" ცნობით, რუსულმა ჯარებმა მარიუპოლში სიჩუმის რეჟიმი დაარღვიეს და ცეცხლი გაუხსნეს ევაკუაციის მანქანას, რომელიც აპირებდა მშვიდობიანი მოსახლეობის ევაკუაციას. მათი ცნობით, დაიღუპა ერთი და დაშავდა 6 მებრძოლი.
"ეს მანქანა მშვიდობიანი მოსახლეობისკენ მოძრაობდა ქარხნიდან მათი ევაკუაციის მიზნით. სროლის შედეგად დაიღუპა 1 მებრძოლი და დაიჭრა 6. მტერი აგრძელებს ყველა შეთანხმების დარღვევას და არ იცავს მშვიდობიანი მოსახლეობის ევაკუაციის უსაფრთხოების გარანტიებს", - წერს "აზოვი".
