აზოვის პოლკი უარყოფს სოციალურ ქსელში გავრცელებულ ინფორმაციას, თითქოს დანებდნენ და რუსებს ჩაბარდნენ. სოციალურ ქსელში ასევე წერენ, რომ მარიუპოლის დამცველებმა თეთრი დროშა აღმართეს.
პრესსამსახური განმარტავს, რომ თეთრი დროშა, რეალურად ევაკუაციის ნიშანია და არა დანებების და მას პროცესის დაწყების დროს, რუსებიც იყენებენ.
"ორივე ჯგუფმა ასეთი დროშები გამოიყენა აზოვსტალის ქარხნის ტერიტორიიდან მოქალაქეების ევაკუაციისთვის. აღვნიშნავთ, რომ ეს პროცედურა უკვე მეოთხედ ტარდება",- წერია განცხადებაში.
სოციალურ ქსელებში გავრცელდა დაუდასტურებელი და როგორც აღმოჩნდა ყალბი ინფორმაცია, რომ მარიუპოლის მცველები თეთრი დროშებით გამოვიდნენ.
