გერმანიის ბუნდესტაგის პრეზიდენტი ბარბელ ბასი კიევში ჩავიდა. ამის შესახებ ბუნდესტაგის მდივანი ენრიკო ბრისა twitter-ზე წერს და ფოტოს ავრცელებს.
როგორც ცნობილია, ბარბელ ბასი ევროპაში მეორე მსოფლიო ომის დასრულებასთან დაკავშირებულ ღონისძიებებში მიიღებს მონაწილეობას, ასევე შეხვედრები ექნება უკრაინის პოლიტიკურ ლიდერებთან.
"პრეზიდენტი, ბარბელ ბასი იწყებს ვიზიტს კიევში. დღეს, 8 მაისს ის პატივს მიაგებს მეორე მსოფლიო ომისა და ნაციონალ-სოციალისტური ტირანიის ყველა მსხვერპლს, ასევე, გამართავს პოლიტიკურ დიალოგებს", - წერს ენრიკო ბრისა.
