ლუგანსკის სამხედრო ადმინისტრაციის უფროსი, სერგეი გაიდაი ამბობს, რომ 26 მაისს რუსებმა სევეროდონეცკში შესვლა სცადეს და საცხოვრებელი ადგილები დაბომბეს.
სევერეოდონეცკზე თავდასხმას 4 ადამიანი ემსხვერპლა, კიდევ ერთი კი კამიშევახში დაიღუპა.
"სევეროდონეცკის მცხოვრებლებს უკვე დაავიწყდათ, როდესაც ქალაქში სიჩუმე დამყარდა მინიმუმ ნახევარი საათის განმავლობაში. რუსები საცხოვრებელ უბნებს უწყვეტად ესხმიან თავს", - ამბობს გაიდაი.
სევეროდონეცკში დაბომბვის შედეგად 11 საცხოვრებელი კორპუსი და ერთი კერძო სახლი დაზიანდა.
