სავარაუდოა, რომ რუსეთი იყენებს 50 წლის წინანდელ ტანკებს სამხრეთ უკრაინის ტერიტორიის დასაკავებლად - ინფორმაციას დიდი ბრიტანეთის თავდაცვის სამინისტრო ავრცელებს.
უწყების ცნობით, რუსეთი ახორციელებს T-62 მანქანების მობილიზებას თავისი ძალების სამხრეთ ჯგუფის გასაძლიერებლად. ითვლება, რომ ეს ტექნიკა "განსაკუთრებით დაუცველია ტანკსაწინააღმდეგო იარაღის მიმართ" და მიუთითებს "თანამედროვე, საბრძოლო მზადყოფნის" ტექნიკის ნაკლებობაზე.
"ბოლო დღეებში, რუსეთმა სავარაუდოდ გადაიტანა 50 წლის ასაკის T-62 ტანკები ღრმა საწყობიდან რუსეთის ძალების სამხრეთ ჯგუფს პასუხისმგებლობის ზონაში. T-62-ები თითქმის დაუცველი იქნება ტანკსაწინააღმდეგო იარაღის მიმართ და მათი ყოფნა ბრძოლის ველზე ხაზს უსვამს რუსეთის თანამედროვე საბრძოლო აღჭურვილობის ნაკლებობას", - წერს თავდაცვა.
თავდაცვის სამინისტროს ცნობით, რუსეთის სახმელეთო ჯარები აგრძელებენ სევეროდონეცკისა და ლისჩანსკის ალყაში მოქცევის მცდელობებს. ცოტა ხნის წინ აიღეს პოპასნას ჩრდილო-დასავლეთით რამდენიმე სოფელი.
უწყება ამბობს, რომ უკრაინა ინარჩუნებს კონტროლს რამდენიმე დაცულ სექტორზე, რაც უარყოფს რუსეთის სრულ კონტროლს დონბასზე.
