უკრაინის თავდაცვის სამინისტროს სადაზვერვოს მთავარი სამმართველოს ცნობით, სამშაბათის მდგომარეობით, მარიუპოლიდან 210 უკრაინელი ჯარისკაცის ცხედარი უკვე უკრაინაშია.
"მარიუპოლში დაღუპული ჯარისკაცების ცხედრების დაბრუნების პროცესი, ტყვეთა მკურნალობის საკოორდინაციო შტაბის ძალისხმევით მიმდინარეობს", - ნათქვამია განცხადებაში.
განცხადებაში ასევე აღნიშნულია, რომ უკრაინაში დაბრუნებული ცხედრების უმეტესობა აზოვსტალის გმირი დამცველები არიან.
განცხადების თანახმად, საკოორდინაციო შტაბი უკრაინის პრეზიდენტის ვოლოდიმირ ზელენსკის ხელმძღვანელობით, მუშაობს ყველა გარდაცვლილის ცხედრის დაბრუნებაზე, ასევე 2500 ტყვეზე, რომლებიც, სავარაუდოდ, რუსეთის ან რუსეთის მიერ მხარდაჭერილი ძალების ტყვეობაში არიან.
"ყველა დაღუპული ჯარისკაცი უნდა დაბრუნდეს უკრაინის მიერ კონტროლირებად ტერიტორიაზე. და თითოეულ მათგანი სამხედრო პატივით წაემართება ბოლო გზაზე", - ნათქვამია განცხადებაში.
