უკრაინის პრეზიდენტი, ვოლოდიმერ ზელენსკი ამბობს, რომ აღმოსავლეთით მდებარე ქალაქ სევეროდონეცკში წყდება დონბასის რეგიონის ბედი. მისი თქმით, სევეროდონეცკი დაპირისპირების ეპიცენტრად რჩება.
"ეს ძალიან სასტიკი ბრძოლაა, ძალიან რთული. ალბათ ერთ-ერთი ყველაზე რთული ამ ომის განმავლობაში. მადლობელი ვარ ყველასი, ვინც ამ მიმართულებას იცავს. მრავალი თვალსაზრისით, იქ წყდება ჩვენი დონბასის ბედი", - თქვა ზელენსკიმ.
ცნობისთვის, სევეროდონეცკი გასული კვირების განმავლობაში ბრძოლის მთავარი ეპიცენტრია. რუსეთი ცდილობს ქალაქზე სრული კონტროლი დაამყაროს და ის ალყაში მოაქციოს, თუმცა უკრაინა მტრის შეკავებას ამ დრომდე ახერხებს.
