"თუ გადაწყვეტილება იქნება უსამართლო, ყველაფერს ფარდას ავხდი" | ღარიბაშვილი ახალ "შეთქმულების თეორიას" აანონსებს
გამოქვეყნდა:
"მე ამ ეტაპზე მინდა, შევინარჩუნო პოლიტკორექტულობა და მიზანშეწონილად არ მიმაჩნია, რომ უფრო მეტი ვისაუბრო, მაგრამ თუ ამის საჭიროება დადგა, ვალდებული ვიქნები, რომ ჩემს ხალხს ჩავაბარო ანგარიში", - თქვა პრემიერმა ევროკავშირის წევრობის კანდიდატის სტატუსთან დაკავშირებით.
ირაკლი ღარიბაშვილი "შეთქმულების თეორიის" ახალ ვერსიას აანონსებს:
"23-24 ივნისს დაველოდები, მანამდე მე, უბრალოდ, შევინარჩუნებ რეზერვაციას, რომ უფრო მეტი არ ვილაპარაკო ჩვენი ხალხის წინაშე. თუ გადაწყვეტილება იქნება ისეთი უსამართლო, ისეთივე ასე ვთქვათ, შეურაცხმყოფელი ჩვენი ხალხისთვის, ვიტოვებ რეზერვაციას, რომ ყველაფერს ფარდას ავხდი და ჩვენს ხალხს...", - თქვა ღარიბაშვილმა.
ცნობისთვის, ევროკომისია სავარაუდოდ, 24 ივნისამდე მიიღებს გადაწყვეტილებას, მიანიჭებს თუ არა საქართველოს ევროკავშირის წევრობის კანდიდატის სტატუსს.
გუშინ, Deutsche Welle-ს ჟურნალისტმა, ჯეკ პაროკმა გაავრცელა ინფორმაცია, რომ ევროპარლამენტის რეზოლუციის საფუძველზე, ევროკომისია ასოცირების ტრიოს გაყოფას განიხილავს და შესაძლოა, საქართველომ კანდიდატის სტტაუსი ვერ მიიღოს.
ასევე იხილეთ:
- "2008 წელს მაპი არ მოგვანიჭეს მაგრამ რა მოხდა? ქვეყანამ გააგრძელა ინტეგრაცია..." | ღარიბაშვილი EU-ს წევრობის კანდიდატის სტატუსზე
- "კანდიდატის სტატუსი სიმბოლურია... ჯერ კიდევ მაქვს იმედი, რომ გონივრულ გადაწყვეტილებას მიიღებენ" - ღარიბაშვილი
- ისე ნუ წარმოვაჩენთ, რომ რაღაცას ვმათხოვრობთ და ვეხვეწებით ვინმეს - ღარიბაშვილი EU-ს წევრობის კანდიდატის სტატუსზე
- მათ აჩვენეს სრული უპასუხისმგებლობა ჩვენი ქვეყნისა და მოქალაქეების მიმართ - ღარიბაშვილი ევროპარლამენტარებზე
- ევროპარლამენტის რეზოლუცია შეურაცხმყოფელია, ტყუილებით გაჯერებული... არავითარი გადამწყვეტი მნიშვნელობა არ აქვს - ღარიბაშვილი
