თუკი აქამდე თვალთმაქცობდნენ, დღეს შანტაჟსაც კი აღარ ერიდებიან | ნიკა მელია "ოცნებაზე"
გამოქვეყნდა:
"ნაციონალური მოძრაობის" თავმჯდომარე, ნიკა მელია ევროპარლამენტთან დაკავშირებით მმართველი გუნდის ლიდერების განცხადებებს გამოეხმაურა.
როგორც მელიამ აღნიშნა, "ქართული ოცნებას" ახლა ორი მთავარი მიზანი აქვს - ყველაზე მნიშვნელოვან პერიოდში, როდესაც საქართველოსთვის ევროკავშირის კანდიდატობის სტატუსის ბედი წყდება, მკვეთრი ანტიდასავლური განცხადებები აკეთონ და ბიძინა ივანიშვილის გული გაახარონ.
"ქართული ოცნების ინტერესი და ამბიცია არ არის იყოს ნაწილი ევროპული ოჯახისა. თუკი აქამდე თვალთმაქცობდნენ, დღეს აღარ ერიდებიან შანტაჟსაც კი. რაც უფრო ცოტა დრო რჩება მნიშვნელოვან 24 ივნისამდე უფრო და უფრო მკვეთრი ანტიდასავლური განცხადებები კეთდება და მეორე მხრივ ეს განცხადებები ემსახურება ბიძინა ივანიშვილის სალბუნად დადებას", - ამბობს ნიკა მელია.
ცნობისთვის, პრემიერმინისტრმა, ირაკლი ღარიბაშვილმა საქართველოს შესახებ ევროპარლამენტის მიერ მიღებულ რეზოლუციას უმნიშვნელო, სიმბოლური დოკუმენტი უწოდა, რომელიც "ტყუილებით არის გაჯერებული". გარდა ამისა, მან აღნიშნა, რომ კანდიდატის სტატუსიც "სიმბოლურია", თუმცა იმედი გამოთქვა, რომ ევროკავშირი "გონივრულ გადაწყვეტილებას მიიღებს". ასეთივე შინაარსის განცხადებები გააკეთა კულტურის მინისტრმა, ვიცე-პრემიერმა თეა წულუკიანმა.
იხილეთ ასევე:
- "2008 წელს მაპი არ მოგვანიჭეს მაგრამ რა მოხდა? ქვეყანამ გააგრძელა ინტეგრაცია..." | ღარიბაშვილი EU-ს წევრობის კანდიდატის სტატუსზე
- "კანდიდატის სტატუსი სიმბოლურია... ჯერ კიდევ მაქვს იმედი, რომ გონივრულ გადაწყვეტილებას მიიღებენ" - ღარიბაშვილი
- "თუ გადაწყვეტილება იქნება უსამართლო, ყველაფერს ფარდას ავხდი" | ღარიბაშვილი ახალ "შეთქმულების თეორიას" აანონსებს
- ისე ნუ წარმოვაჩენთ, რომ რაღაცას ვმათხოვრობთ და ვეხვეწებით ვინმეს - ღარიბაშვილი EU-ს წევრობის კანდიდატის სტატუსზე
- ევროპარლამენტის რეზოლუცია შეურაცხმყოფელია, ტყუილებით გაჯერებული... არავითარი გადამწყვეტი მნიშვნელობა არ აქვს - ღარიბაშვილი
- მათ აჩვენეს სრული უპასუხისმგებლობა ჩვენი ქვეყნისა და მოქალაქეების მიმართ - ღარიბაშვილი ევროპარლამენტარებზე
- "ბავშვმაც კი იცის, რომ ბიძინა ივანიშვილს ბევრი კარგი საქმე აქვს გაკეთებული" - წულუკიანი რეზოლუციაზე
