ფაქტობრივად დაადასტურა, რომ კანდიდატის სტატუსის მიღება არ უნდათ - ვაშაძე ღარიბაშვილზე

"სტრატეგია აღმაშენებლის" ლიდერის, გიორგი ვაშაძის თქმით, პრემიერმინისტრის დღევანდელი განცხადებებით დადასტურდა, რომ მმართველი გუნდის ინტერესში საქართველოსთვის EU-ს წევრობის კანდიდატის სტატუსის მინიჭება არ არის. 

როგორც ვაშაძემ აღნიშნა, ირაკლი ღარიბაშვილი ამგვარი რიტორიკით ეხმარება ევროკავშირის გაფართოების მიმართ სკეპტიკურად განწყობილ სუბიექტებს, რომ საქართველოს კანდიდატის სტატუსი არ მიანიჭონ.

"ფაქტობრივად დაადასტურა, რომ არ უნდათ კანდიდატის სტატუსის მიღება. მერე რა, თუ არ მოგვცემენო? მართლა ასე ფიქრობთ? საზოგადოებას მივმართავ. ანუ ხუნდაძისეული ღირსების გარანტიები უფრო მნიშვნელოვანია, ვიდრე ევროკავშირის მიერ გარანტირებული ღირსება, საქართველო განვითარებული ქვეყანა? მეორე საკითხი, რაც უნდა ვთქვა - ფაქტობრივად, ამ განცხადებით კიდევ ერთხელ ეხმარება ევროგაფართოების სკეპტიკოსებს, რომ არ მოგვცენ კანდიდატის სტატუსი", - თქვა გიორგი ვაშაძემ.

ცნობისთვის, პრემიერმინისტრმა, ირაკლი ღარიბაშვილმა საქართველოს შესახებ ევროპარლამენტის მიერ მიღებულ რეზოლუციას უმნიშვნელო, სიმბოლური დოკუმენტი უწოდა, რომელიც "ტყუილებით არის გაჯერებული". გარდა ამისა, მან აღნიშნა, რომ კანდიდატის სტატუსიც "სიმბოლურია", თუმცა იმედი გამოთქვა, რომ ევროკავშირი "გონივრულ გადაწყვეტილებას მიიღებს". ასეთივე შინაარსის განცხადებები გააკეთა კულტურის მინისტრმა, ვიცე-პრემიერმა თეა წულუკიანმა.

იხილეთ ასევე:

• "2008 წელს მაპი არ მოგვანიჭეს მაგრამ რა მოხდა? ქვეყანამ გააგრძელა ინტეგრაცია..." | ღარიბაშვილი EU-ს წევრობის კანდიდატის სტატუსზე
• "კანდიდატის სტატუსი სიმბოლურია... ჯერ კიდევ მაქვს იმედი, რომ გონივრულ გადაწყვეტილებას მიიღებენ" - ღარიბაშვილი
• "თუ გადაწყვეტილება იქნება უსამართლო, ყველაფერს ფარდას ავხდი" | ღარიბაშვილი ახალ "შეთქმულების თეორიას" აანონსებს
• ისე ნუ წარმოვაჩენთ, რომ რაღაცას ვმათხოვრობთ და ვეხვეწებით ვინმეს - ღარიბაშვილი EU-ს წევრობის კანდიდატის სტატუსზე 
• ევროპარლამენტის რეზოლუცია შეურაცხმყოფელია, ტყუილებით გაჯერებული... არავითარი გადამწყვეტი მნიშვნელობა არ აქვს - ღარიბაშვილი
• მათ აჩვენეს სრული უპასუხისმგებლობა ჩვენი ქვეყნისა და მოქალაქეების მიმართ - ღარიბაშვილი ევროპარლამენტარებზე 
• "ბავშვმაც კი იცის, რომ ბიძინა ივანიშვილს ბევრი კარგი საქმე აქვს გაკეთებული" - წულუკიანი რეზოლუციაზე