რუსეთმა ათობით ბრიტანელ ჟურნალისტსა და თავდაცვის სექტორის წარმომადგენლებს ქვეყანაში შესვლა აუკრძალა. ინფორმაციას BBC ქვეყნის საგარეო საქმეთა სამინისტროზე დაყრდნობით ავრცელებს.
მედიასაშუალების ინფორმაციით, სიაში არიან BBC-ის გენერალური დირექტორი და ის ჟურნალისტები, რომლებიც უკრაინაში რუსეთის ომს აშუქებდნენ.
გარდა ამისა, ქვეყანაში შესვლა აეკრძალათ ონლაინ გამოცემა Times-ის; Daily Telegraph-ის; Guardian-ის; Daily Mail-ისა და Independent-ის რედაქტორებს, ასევე SKy-ის, Channel 4-ისა და ITV-ის ჟურნალისტებს.
მოსკოვის განმარტებით, გადაწყვეტილება პასუხია რუსეთის წინააღმდეგ დაწესებულ დასავლეთის სანქციებზე, რომლებიც რუსეთის სახელისუფლებო მედიასაც შეეხო.
