უკრაინის რადას ფრაქცია ხალხის მსახურის თავმჯდომარე დავით არახამია ტელეგრამის საკუთარ არხზე საქართველოსა და უკრაინელების მეგობრობასთან დაკავშირებით წერს და თბილისში, მოძრაობა "სირცხვილიას" მიერ ორგანიზებული აქციის ვიდეოს აქვეყნებს.
არახამია წერს, რომ ქართველ და ურაინელ ხალხს ევროკავშირში გაერთიანებაში ხელს ვერცერთი ოლიგარქი ვერ შეუშლის:
უკრაინელები და ქართველები ყოველთვის მეგობრებზე მეტი იყვნენ და იქნებიან. უკრაინამ ძმურად გაუწოდა საქართველოს დახმარების ხელი 1993 წელს სვანეთის მთებში, 2008 წელს თბილისში და საჭიროების შემთხვევაში, ამას კიდევ ბევრჯერ გააკეთებს.
ჩვენ უკრაინაშიც ვიცით, რომ ქართველი ძმების იმედი ყოველთვის შეგვიძლია გვქონდეს. ასე იყო 2004 წელს, 2014 წელსაც და ახლაც, როცა ქართველები რუსეთთან ომში ჩვენთვის იბრძვიან. მახსოვს, ერთად ვცხოვრობდით მწუხარებაში და ერთ დღეს, ჩვენს ევროპულ ოჯახში დაბრუნებაზე ვოცნებობდით. როგორც ჩანს, ეს მოხდებოდა, მთელი ქვეყანა ერთ ოლიგარქს რომ არ აეყვანა მძევლად.
მაგრამ ის ქმედებები, რაც ახლა ხდება საქართველოში, მხოლოდ იმას ადასტურებს, რომ ჩვენ გვაქვს საერთო ღირებულებები - თავისუფლება, ღირსება, ევროპული არჩევანი. და რომ ქართველები, ისევე როგორც უკრაინელები, არ მოითმენენ დამცირებას, დაიცავენ საკუთარ თავს და მომავალს. დღეს ისევ ქართველებთან ვართ. და დარწმუნებული ვარ, რომ ჩვენს მიზანს, ერთად გავერთიანდეთ ევროკავშირში, ვერცერთი ოლიგარქი არ დააზარალებს, - წერს არახამია და დღევანდელი აქციის ვიდეოს აქვეყნებს.
იხილეთ ასევე;
