უკრაინის ქალაქ დნიპროზე რუსეთის სარაკეტო თავდასხმის შედეგად 4 ადამიანი დაიღუპა. ამის შესახებ ინფორმაციას დნეპროპეტროვსკის სამხედრო ოლქის ხელმძღვანელი, ვალენტინ რეზნიჩენკო ავრცელებს.
"მტრის თავდასხმას ოთხი ადამიანის სიცოცხლე შეეწირა, თექვსმეტი დაშავდა. შვიდი მათგანი ახლა საავადმყოფოშია", - აცხადებს რეზნიჩენკო.
თავდასხმა სამრეწველო საწარმოს ტერიტორიაზე მოხდა.
