ოკუპანტებმა რუსეთში 5 100 უკრაინელი ბავშვი გადაასახლეს - ამის შესახებ უკრაინის პრეზიდენტის მრჩეველმა, ბავშვთა უფლებებისა და ბავშვთა რეაბილიტაციის საკითხებში დარია გერასიმჩუკმა ტელემარათონის ეთერში განაცხადა.
მისი თქმით, ეს მხოლოდ ოფიციალურად ცნობილი და დადასტურებული შემთხვევებია.
"ეს არის ეროვნული საინფორმაციო ბიუროს მონაცემები, რომელიც მუშაობს უკრაინაში. სწორედ იქ მიმართავენ ადამიანები ბავშვების დეპორტაციის ან გადასახლების ფაქტებზე. აპლიკაციები ყოველდღიურად შემოდის“, - თქვა გერასიმჩუკმა.
აღნიშნული სიები წითელ ჯვარსა და სხვა საერთაშორისო ორგანიზაციებს გადაეცემა, რომლებსაც შეუძლიათ დაეხმარონ უკრაინას დეპორტირებული ბავშვების პოვნაში.
