მმართველი პარტიის ლიდერი გულუბრყვილო ამომრჩევლის დაბნევას ცდილობს და თავს ისევ ოპოზიციას და დასავლელ პარტნიორებს ესხმის. ირაკლი კობახიძე მოურიდებლად ამტკიცებს, რომ ვაშინგტონში გაკეთებული განცხადება არ იყო რეაგირება მის განცხადებაზე, და არც მას ეხებოდა.
რეალობის ასეთი უხეში დამახინჯების შემდეგ კი კვლავ უბრუნდება აგრესიულ რიტორიკას და ელჩებს აკრიტიკებს. თუმცა მმართველი პარტიის ხელმძღვანელი ყველაფერს ვერ ამბობს. ქართული ოცნების ნაცვლად ამას მმართველი პარტიიდან თითქოსდა პროტესტით წასული სამეული აკეთებს.
სუბარი-ყაველაშვილი-ხუნდაძის სამეულმა დღეს კიდევ ერთი წერილი დაწერა და ამჯერად შეერთებული შტატების სახელმწიფო დეპარტამენტის მაღალჩინოსანს მიმართა.
- სამეული ნედ პრაისს მიმართავს - ხუნდაძის წერილი სახდეპის პრესსპიკერს
- "დეზინფორმაცია და ელჩ დეგნანზე პერსონალური თავდასხმები არ შეესაბამება პარტნიორების მუშაობას" | ნედ პრაისი
- "საქართველოს ხელისუფლების ზოგიერთი წარმომადგენელი ცდილობს ხელი შეუშალოს მოსახლეობას ევროინტეგრაციისკენ სწრაფვაში" | პრაისი
