უკრაინის სამხრეთის ოპერატიული სარდლობის ცნობით, უკრაინის შეიარაღებულმა ძალებმა ოკუპანტებისგან გაათავისუფლეს ხერსონის რაიონის სოფელი ანდრეევკა.
უწყების ცნობით, შეარაღებული ძალების ავიაციამ მტერს 4 დარტყმა მიაყენა ბომბდამშენებისა და ვერტმფრენების გამოყენებით.
"ამგვარად ანდრეევკა გათავისუფლდა და მთლიანად გაიწმინდა რუსული საოკუპაციო ჯარებისაგან. ლოზოვოიეს მსგავსად, სადაც ჩვენმა ჯარებმა რამდენიმე დღით ადრე უსაფრთხოდ გააძლიერეს პოზიციები!" - ამბობს უწყება.
უკრაინის ცნობით, გასული დღის განმავლობაში უკრაინელებმა სამხრეთის მიმართულებით 89 რუსი დამპყრობელი მოკლეს.
