შეერთებული შტატები უკრაინას დამატებით 550 მილიონი დოლარის ღირებულების იარაღსა და აღჭურვილობას გადასცემს. შესაბამის განკარგულებას აშშ-ის პრეზიდენტმა, ჯო ბაიდენმა ხელი უკვე მოაწერა.
როგორც ცნობილია, დახმარება მოიცავს კიდევ უფრო მეტ საბრძოლო მასალას მაღალი მობილურობის საარტილერიო სარაკეტო სისტემებისა და 155 მმ-იანი საარტილერიო სისტემებისთვის.
უკრაინაში ომის დაწყების შემდეგ ეს ამერიკის მხრიდან მე-17 სამხედრო დახმარების პაკეტია.
