რუსეთის თავდაცვის მინისტრის, სერგეი შოიგუს მტკიცებით, აშშ-ის მიერ უკრაინისთვის გადაცემული საარტილერიო სისტემა HIMARS არ ახდენს "მნიშვნელოვან გავლენას" რუსეთის ომზე. შოიგუმ მოსკოვის უსაფრთხოების საერთაშორისო კონფერენციაზე სიტყვით გამოსვლის დროს თქვა, რომ ამ ბოლო დროს HIMARS-ის მრავალჯერადი გამშვები სარაკეტო სისტემები და შორი დისტანციის ჰაუბიცები "დასავლელებმა დააწინაურეს სუპერ იარაღის როლში".
"მათ (HIMARS) არ მოუხდენიათ მნიშვნელოვანი გავლენა სიტუაციაზე. თუმცა, რუსულმა იარაღმა დაადასტურა მისი საუკეთესო თვისებები ბრძოლებში", - თქვა შოიგუმ.
უკრაინაც და დასავლეთიც ფიქრობს, რომ HIMARS და სხვა მრავალჯერადი სარაკეტო სისტემები ზემოქმედებს ომის მიმდინარეობაზე. ივლისის ბოლოს აშშ-ის გაერთიანებული შტაბის უფროსმა თქვა, რომ უკრაინელები ეფექტურად იყენებენ HIMARS-ს რუსეთის ლოგისტიკურ ქსელებზე, საველე არტილერიაზე, საჰაერო ხომალდებზე დარტყმებისთვის.
