რუსული სისასტიკისა და სიცრუის კიდევ ერთი მტკიცებულება. მსოფლიოს ერთ-ერთი ყველაზე გავლენიანი მედია CNN ატარებს ჟურნალისტურ გამოძიებას და კრემლის არმიის არაადამიანურ მეთოდებას საბოლოოდ ადასტურებს.
ჟურნალისტებმა, ექსპერტებთან ერთად, შეისწავლეს უკრაინაში, სოფელ ოლენივკავში, ტყვეთა ბანაკის განადგურების კადრები. კრემლი ამტკიცებდა, რომ უკრაინელი ტყვეების ბანაკი ჰაიმარსის ტიპის რაკეტებით თავად უკრაინელებმა დაბომბეს.
თუმცა არსებობდა მტკიცებულებები, რომ ეს არაადამიანური დანაშაული და მასობრივი მკვლელობა სწორედ რუსული არმიის ჩადენილია. ახლა ეს ვერსია ჟურნალისტური გამოძიებითაც გამყარდა.
