შეერთებული შტატების მთავრობა ამერიკელ მოქალაქეებს მოუწოდებს დაუყოვნებლივ დატოვონ უკრაინა. ამერიკა ამბობს, რომ რუსეთი აძლიერებს ძალისხმევას, რათა უახლოეს დღეებში თავდასხმები განახორციელონ სამოქალაქო ინფრასტრუქტურასა და სამთავრობო ობიექტებზე.
"აშშ-ის საელჩო მოუწოდებს ამერიკის მოქალაქეებს ახლავე დატოვონ უკრაინა კერძო სახმელეთო ტრანსპორტის საშუალებით, თუკი ეს უსაფრთხოა. უსაფრთხოება მთელ უკრაინაში ძალზე არასტაბილურია და პირობები შესაძლოა გაფრთხილების გარეშე გაუარესდეს", - წერია საელჩოს ვებგვერდზე.
ცნობისთვის, ოთხშაბათს, 24 აგვისტოს უკრაინის დამოუკიდებლობის დღეა, ბოლო დღეებში უკრაინის პრეზიდენტი და ქვეყნის სხვა ოფიციალური პირები მოსახლეობას აფრთხილებენ, რომ რუსეთმა ამ დღეს შესაძლოა, ინტენსიური თავდასხმები განახორციელოს.
