ჯოკოვიჩი წელს აშშ-ის ღია პირველობაზე მონაწილეობას ვერ მიიღებს - მიზეზი ვაქცინაციაა

გამოქვეყნდა:

სერბი ჩოგბურთელი ნოვაკ ჯოკოვიჩი წელს აშშ-ის ღია პირველობაზე მონაწილეობას ვერ მიიღებს, - ამის შესახებ ინფორმაციას სერბი სპორტსმენი სოციალურ ქსელში ავრცელებს.

ამის მიზეზი კი ვაქცინაციაა, "დიდი სლემის" ტურნირების 21-გზის ჩემპიონი ისევ არ არის ვაქცინირებული.

"სამწუხაროდ, მე ვერ შევძლებ ნიუ-იორკში ჩასვლას აშშ-ის ღია პირველობაზე სათამაშოდ. მადლობა გულშემატკივრებს მხარდაჭერისთვის. წარმატება სხვა მოთამაშეებს. ვეცდები კარგი ფორმისა და პოზიტიური განწყობის შენარჩუნებას და დაველოდები მომდევნო შესაძლებლობას“, - წერს ჯოკოვიჩი. 

ცნობისთვის, აშშ-ის დაავადებათა კონტროლისა და პროფილაქტიკის ცენტრის  ვებგვერდზე გამოქვეყნდა ქვეყანაში შესვლის განახლებული წესები, რომლის თანახმადაც, აშშ-ში ჩასული ნებისმიერი ადამიანი ვაქცინირებული უნდა იყოს COVID-19-ზე. 

შეგახსენებთ, რომ აშშ-ის ღია პირველობა 29 აგვისტოდან 11 სექტემბრამდე გაიმართება.

მთავარი 10:00
უყურეთ ბოლო გამოშვებას

იხილეთ ჩვენს ეთერში

დღის მთავარი