უკრაინას ევროკავშირის საზღვრებზე, მარცვლეულის შესანახად დროებითი ტერმინალები სჭირდება, - ამის შესახებ ინფორმაციას უკრაინის მრეწველებისა და მეწარმეთა კავშირი ავრცელებს.
ორგანიზაციის მიერ გამოქვეყნებულ ანგარიშში ნათქვამია, რომ უკრაინელ მწარმოებლებს ახალი მოსავლის შესანახად საკმარისი სიმძლავრე არ ექნებათ და აუცილებელია მარცვლეულის ტრანსპორტირების დაჩქარება.
გარდა ამისა ორგანიზაციის ინფორმციით, მარცვლეულის ტრანსპორტირების მოცულობა "მწვანე დერეფნებით" მოსალოდნელზე მნიშვნელოვნად დაბალია.
ცნობისთვის, ახლა უკრაინაში 10-დან 15 მლნ ტონამდე მარცვლეულისა და ზეთის თესლის შესანახი საწყობების დეფიციტია.
