რუსეთის რეგიონის, ბელგოროდის ოლქის გუბერნატორმა ვიაჩესლავ გლადკოვმა, მშვიდობიან მოქალაქეებს უკრაინის საზღვართან ახლოს მდებარე სოფლების დატოვებისკენ კვლავ მოუწოდა. ის სოფელ ჟურავლევკაში იმყოფებოდა, სადაც, მისივე ინფორმაციით, ვითარება რთულია.
"ჩვენ ვაგრძელებთ ადამიანების დარწმუნებას, რომლებიც ჯერ კიდევ ჟურავლევკაში და ნეხოტეევკაში რჩებიან, დროებით დატოვონ თავიანთი სახლები“, - ამბობს გლადკოვი.
არსებული ინფორმაციით, საზღვრის გასწვრივ საომარმა მოქმედებებმა ორივე მხარის დასახლებები დააზიანა.
