რუსმა ოკუპანტებმა ბახმუტში მაღალსართულიანი კორპუსზე იერიში მიიტანეს და მასიურად დაბომბეს ავდიევკას ცენტრი. ამის შესახებ ინფორმაციას დონეცკის რეგიონული სამხედრო ადმინისტრაციის ხელმძღვანელი, პავლო კირილენკო ავრცელებს.
მისივე ინფორმაციით, შესაძლოა ნანგრევების ქვეშ 4 ადამიანი იყოს დარჩენილი.
"დაახლოებით შუაღამისას რუსებმა ბახმუტში მაღლივი კორპუსი დაანგრიეს. წინასწარი ინფორმაციით, ნანგრევების ქვეშ შესაძლოა ოთხი ადამიანი იყოს. ადგილზე სასწრაფო დახმარების განყოფილება მუშაობს", - განაცხადა კირილენკომ
გარდა ამისა, რუსმა ოკუპანტებმა იერიში მიიტანეს ტორეცკის საავადმყოფოზეც, სადაც დაშავდა 1 ადამიანი და დაზიანდა საავადმყოფოს 3 განყოფილება.
