ხარკოვის ოლქის პოლიციის საგამოძიებო დეპარტამენტის უფროსი, სერგეი ბოლვინოვი ამბობს, რომ რუსებისგან გათავისუფლებულ იზიუმში ნაპოვნია მასობრივი საფლავი, სადაც 440-ზე მეტი ცხედარია.
"ჩვენ ვიცით, რომ ზოგი დახვრიტეს, ზოგი დაიღუპა საარტილერიო სროლის შედეგად, ე.წ. ნაღმების აფეთქების შედეგად. ამიტომ გარდაცვალების მიზეზი გამოძიების ფარგლებში დადგინდება", - თქვა მან.
უკრაინის სტრატეგიული კომუნიკაციების ცენტრმა ხუთშაბათს განაცხადა, რომ იზიუმში აღმოჩენილი ზოგიერთი საფლავი "ახალი" იყო და რომ იქ დაკრძალული ცხედრები "ძირითადად მშვიდობიანი მოქალაქეების" იყო.
უკრაინის ძალებმა ქალაქი შაბათს დაიბრუნეს.
