რუსეთის სარდლობა დონეცკის რეგიონში, ჩისტიაკოვას მახლობლად მსჯავრდებულთათვის საწვრთნელ ბანაკს აწყობს, - ინფორმაციას უკრინის გენერალური შტაბი ავრცელებს.
"ქალაქ ჩისტიაკოვას მახლობლად საწვრთნელ ზონაში ოკუპანტებმა მოაწყეს სასწავლო ბანაკი იმ პერსონალის მომზადებისთვის, რომელიც ჩამოვიდა ციხეებიდან, რათა შეუერთდნენ 1-ლი არმიის კორპუსის დანაყოფებს, რომლებმაც განიცადეს დანაკარგები საომარი მოქმედებების დროს“, - წერია განცხადებაში.
გარდა ამისა, უწყების ცნობით, რუსი ოკუპანტები ზაპოროჟიეს რაიონში კონტროლის მიზნით რადიკალურ ზომებს ისევ აგრძელებენ. რუსეთის საოკუპაციო ძალების 58-ე გაერთიანებული არმიის სარდლობა კი რეგიონში მოქმედი ქვედანაყოფების მეთაურებს შეხვდა.
არსებული ინფორმაციით, ღონისძიების მონაწილეებმა ყურადღება გაამახვილეს ოკუპირებული პოზიციების დაკავებისა და უკრაინის თავდაცვის ძალების ოკუპირებულ ტერიტორიაზე ღრმად გარღვევის აღკვეთაზე.
