ჩვენთან ერთად მოიპოვეთ თავისუფლება!
"მთავარი არხის" ინფორმაციით, თავდამსხმელი, რომელიც დღეს ქუთაისში, საქართველოს ბანკში შეიარაღებული შეიჭრა და 12 პირი მძევლად აიყვანა, გრიგოლ ნარსიაა, რომელიც იმერეთის ერთ ერთ მუნიციპალიტეტში ცხოვრობს.
შეიარაღებული პირი უკვე დაკავებულია. დაახლოებით 1 საათის წინ დასრულდა ქუთაისში, რუსთაველის გამზირზე სპეცოპერაცია. ტერიტორია გახსნილია.
შს მინისტრს დღეს კომენტარი არ გაუკეთებია, მძევლების გათავისუფლება და თავდამსხმელის დაკავება შსს-ს პრესსამსახურის ხელმძღვანელმა, ქეთი კოვზიაშვილმა დაადასტურა.
გათავისუფლებულ მძევლებს მძიმე ემოციური ფონის ნიადაგზე სამედიცინო დახმარება დასჭირდათ, რომელიც სასწრაფო დახმარების სამსახურებმა ადგილზე აღმოუჩინეს. მძევლები ახლა იმერეთის სამხარეო პოლიციაში გამოკითხვაზე არიან.
შსს -მ მომხდარ ფაქტზე გამოძიება საქართველოს სისხლის სამართლის კოდექსის 144-ე, 236-ე, 323-ე და 329-ე მუხლებით დაიწყო.
იხილეთ ასევე:
