ხარკოვის ოლქის ქალაქ იზიუმში, რომელიც გათავისუფლდა ოკუპაციისგან, რუსული ჯარების წასვლის შემდეგ აღმოჩენილი საფლავებიდან ცხედრების ექსჰუმაცია დასრულდა.
"სულ ამოსვენებულია 436 ცხედარი, მათგან უმეტესობას ძალადობრივი სიკვდილის ნიშნები, 30-ს კი წამების ნიშნები აქვს.
დაღუპულთა უმეტესობა მშვიდობიანი მოქალაქეა, 21 სამხედრო. არის ცხედრები კისერზე თოკით, ხელები შეკრული, მოტეხილი კიდურები და ცეცხლსასროლი იარაღით მიყენებული ჭრილობები. რამდენიმე მამაკაცს სასქესო ორგანო მოკვეთეს,"- წერს ხარკოვის ოლქის ხელმძღვანელი, ოლეგ სინეგუბოვი.
სინეგუბოვის თქმით, იზიუმში მდებარე მასობრივი საფლავი ერთადერთი არ არის.
"ამ ტერიტორიაზე სულ მცირე კიდევ 3 ასეთი ადგილი აღმოაჩინეს, ხარკოვის რეგიონის სხვა განთავისუფლებულ ქალაქებში არის სამარხები. ამჟამად მიმდინარეობს შემოწმება და განაღმვა", - აღნიშნა სინეგუბოვმა.
