რუსული საკრუიზო რაკეტები უკრაინის ქალაქ დნიპროში სატრანსპორტო კომპანიის საწყობს მოხვდა. თავდასხმის შედეგად ერთი ადამიანი დაიღუპა, ცეცხლი გაუჩნდა ათობით ავტობუსს.
დნეპროპეტროვსკის რეგიონალური სამხედრო ადმინისტრაციის ხელმძღვანელმა ვალენტინ რეზნიჩენკომ განაცხადა, რომ დაშავებულია 5 ადამიანი.
"დაიწვა 52 ავტობუსი, დაზიანდა კიდევ 98. დაზიანდა რამდენიმე მაღალსართულიანი შენობა, გიმნაზია, მაღაზია და ადმინისტრაციული შენობები", - განაცხადა რეზნიჩენკომ.
გარდა ამისა, კირილო ტიმოშენკო, პრეზიდენტის ადმინისტრაციის უფროსის მოადგილე კიევში, ამბობს, რომ ორი რაკეტა ჩამოვარდა ამ ტერიტორიაზე.
