უკრაინის შეიარაღებული ძალების მთავარსარდალმა, გენერალმა ვალერი ზალუჟნიმ ამერიკის შეერთებული შტატების შტაბის უფროსთა გაერთიანებული შტაბის თავმჯდომარესთან, გენერალ მარკ მილისთან უკრაინის თავდაცვის ძალების უზრუნველყოფის საკითხი განიხილა.
ამის შესახებ ზალუჟნიმ ინფორმაცია Facebook-ის საკუთარ გვერდზე გამოაქვეყნა.
"დღეს საღამოს მე მქონდა სატელეფონო საუბარი შეერთებული შტატების გაერთიანებული შტაბის უფროსებთან, გენერალ მარკ მილისთან. განვიხილეთ უკრაინის თავდაცვის ძალების საჭიროებების დაკმაყოფილების საკითხი რუსული შეიარაღებული აგრესიის მოგერიებისთვის", - განაცხადა მან.
ზალუჟნიმ დასძინა, რომ მადლიერია მთელი ამერიკელი ხალხისა და მათი ლიდერების თანმიმდევრული და ურყევი მხარდაჭერისთვის უკრაინისადმი ამ რთულ დროს.
