უკრაინის ინფრასტრუქტურის მინისტრმა, ალექსანდრე კუბრაკოვმა განაცხადა, რომ შავი ზღვის მარცვლეულის ინიციატივა 120 დღით გახანგრძლივდება.
Twitter-ზე გამოქვეყნებულ პოსტში მან დაწერა, რომ საკითხი გაეროს გენერალურ მდივან, ანტონიო გუტერეშს, პრეზიდენტ ზელენსკისა, ასევე თურქეთის პრეზიდენ ერდოღანს შორის შეთანხმდა.
"კიდევ ერთი მნიშვნელოვანი ნაბიჯი გადადგა სასურსათო კრიზისთან გლობალურ ბრძოლაში", - წერს ინფრასტრუქტურის მინისტრი.
მისივე განცხადებით, უკრაინამ ოფიციალურად მიმართა პარტნიორებს ინიციატივის 1 წლით გახანგრძლივებისა და მასში მიკოლაივის პორტის ჩართვის წინადადებით.
