რუსული კერძო სამხედრო კომპანია "ვაგნერის" სასაფლაო იზრდება. ბოლო 2 კვირის განმავლობაში, კრასნოდარის ოლქში, სოფელ ბაკუნსკაში მდებარე სასაფლაოზე დაახლოებით 70 ახალი სამარხი გამოჩნდა და მეცამეტე რიგიც დაემატა, - ინფორმაცია და ვიდეომასალა მედიაში ვრცელდება.
"ვაგნერის" დაქირავებულთა საფლავების ამოცნობა, ტიპური გვირგვინებით, იდენტური ჯვრებითა და ფოტოების არარსებობით შეიძლება, რადგან "მებრძოლების" უმეტესობა პატიმრები იყვნენ და ომში პირდაპირ კოლონიებიდან წაიყვანეს.
შეგახსენებთ, რომ NYT-მა იანვრის ბოლოს გამოაქვეყნა სატელიტური ფოტოები და წერდა, რომ ბოლო 2 თვეში "ვაგნერის" სასაფლაო თითქმის 7-ჯერ იყო გაზრდილი. გამოცემამ შედარებისთვის წინა წლის 24 ნოემბრისა და 24 იანვრის ფოტოები გამოაქვეყნა.