უკრაინის საჰაერო ძალები აცხადებს, რომ ღამით რუსეთმა თავდასხმისას ჯამში 26-მდე უპილოტო საფრენი აპარატი (Shahed-136/131) გამოიყენა, რომელთაგან 21 ჩამოაგდეს.
უწყება ამბობს, რომ რუსეთი თავს დაესხა უკრაინას ჩრდილოეთიდან (ბრიანსკის ოლქი) და სამხრეთიდან (აზოვის ზღვის აღმოსავლეთ სანაპირო).
3 მაისის ღამეს კიევსა და უკრაინის რიგ რეგიონებში საჰაერო განგაში გამოცხადდა. კიევის საოლქო-სამხედრო ადმინისტრაციამ დღეს დილით განაცხადა, რომ დედაქალაქის გარშემო გაანადგურეს მოწინააღმდეგის ყველა უპილოტო საფრენი აპარატი.
