თავდასხმა კრემლზე - რუსეთის უძლეველობის მთვარი სიმბოლო დღეს შავ კვამლში იყო გახვეული. კრემლი საჰაერო თავდასმის სამიზნე გახდა. შეტევა მოსკოვის შუაგულში დრონებით განხორციელდა. რუსეთის პრეზიდენტის ადმინისტრაციის ოფიციალურ განცხადებაში ტერორისტულ აქტზეა საუბარი და კრემლი ხელს უკრაინისკენ იშვერს. მოსკოვი საპასუხო ქმედებებსაც აანონსებს.
მედია და ანალიტიკოსები კრემლის თავზე მომხდარი აფეთქების რამდენიმე სცენარზე საუბრობენ. ოფიციალური წყაროები მომხდარს უკრაინის თავდასხმას უწოდებენ. თუმცა კიევი არაფერს ადასტურებს. ანალიტიკოსებს კი მიაჩნიათ, რომ შესაძლოა, ეს თავად რუსეთის პროვოკაცია იყოს იმ მიზნით, რომ უკრაინის სახელმწიფო დაწესებულებებზე მასიური სარაკეტო იერიში გაამართლოს. ნებისმიერ შემთხვევაში კრემლის თავზე აფეთქებით რუსეთის უძლეველობის მითი კიდევ ერთხელ დაიმსხვრა.
იხილეთ ასევე:
