პატიმრობის 1 წელი - ხვალ 11:30 საათზე ნიკა გვარამიას თავისუფლების მოძრაობა უზენაეს სასამართლოსთან აქციას გამართავს
გამოქვეყნდა:
ხვალ, 16 მაისს ერთი წელი ხდება, რაც "მთავარი არხის" დამფუძნებელი უკანონო პატიმრობაშია. ნიკა გვარამიას თავისუფლების მოთხოვნით ხვალ, უზენაეს სასამართლოსთან, 11:30 საათზე საპროტესტო აქცია გაიმართება.
ეს "ნიკა გვარამიას თავისუფლების მოძრაობის" პირველი აქტივობაა, თუმცა მოძრაობის წვერები ამბობენ, რომ მომდევნო კვირებში პროტესტს სხვა ფორმითაც გამოხატავენ.
ნიკა გვარამიას საქმეზე სარჩელი უზენაეს სასამართლოში 5 თვეა შესულია, თუმცა მოსამართლეთა კოლეგია, რომელმაც საქმე უნდა განიხილოს, ამ დრომდე არაა შერჩეული. ჯამში სასამართლოს 6-თვიანი ვადა აქვს, იმისთვის, რომ ეროვნულ დონეზე საქმის განხილვა დასრულდეს.
"16 მაისს სრულდება ერთი წელი, რაც ნიკას უკანონო პატიმრობა გრძელდება, ჩვენ, მოძრაობის წევრები ვაპირებთ შევიკრიბოთ 12-ის ნახევარზე უზენაეს სასამართლოსთან, გავაპროტესტოთ ეს უკანონო პატიმრობა და დავაანონსოთ ჩვენი მომავალი აქტიურობები", - თქვა გედევან ფოფხაძემ.
