ჩვენთან ერთად მოიპოვეთ თავისუფლება!
"ჩვენ შევქმენით ებრაული სახელმწიფო ამ მიწაზე, რათა დავიცვათ თავი და ახლა დადგა დრო, რომ საპასუხოდ ვიბრძოლოთ", - ამის შესახებ ისრაელის ყოფილმა პრემიერმინისტრმა, ნაფთალი ბენეტმა განაცხადა. გარდა ამისა, მისივე თქმით, ეს არის ომი ირანთან, რომელიც მართავს "ჰამასს", "ისლამურ ჯიჰადსა" და "ჰეზბოლას".
"ეს არ არის იომ-კიპურის ომი – ეს არის იომ-კიპური გამრავლებული 100-ზე, რადგან აქ ვსაუბრობთ მკვლელობაზე, ჩვილების, გოგონების, ბიჭების სისტემატურ ხოცვაზე. ეს არის, რაც ხდება და რაც ძალიან ძნელი ასატანია. ჩვენ შევქმენით ებრაული სახელმწიფო ამ მიწაზე, რათა დავიცვათ თავი და ახლა დადგა დრო, რომ საპასუხოდ ვიბრძოლოთ..როდესაც ჩვენ ვდგავართ ირანელი მტრის – "ჰამასის", "ისლამური ჯიჰადის", "ჰეზბოლას", ირანის წინაშე – ნაცისტური კონცეფციის წინაშე ვდგავართ.
ეს წარსულში არ მითქვამს. ვერასდროს წარმოვიდგენდი, რომ მოვიდოდნენ და ბავშვებს ყელს გამოჭრიდნენ. ესენი ცხოველები არიან. ჩვენ უნდა გავუმკლავდეთ ამას ისე, თითქოს ისინი ნაცისტები არიან. რასაც ჩვენ ვუკეთებდით ნაცისტებს, იგივე უნდა გავუკეთოთ. ეს არის ყველაზე ცუდი პერიოდი სახელმწიფოს ისტორიაში, თუმცა ჩვენ ძლიერები ვართ და ჩვენ გავიმარჯვებთ", – განაცხადა ისრაელის ყოფილმა პრემიერ-მინისტრმა.", – ამბობს ბენეტი.
შეგახსენებთ, 7 ოქტომბერს, ღაზის სექტორიდან ისრაელზე მოულოდნელი სარაკეტო და სახმელეთო თავდასხმა წამოიწყეს. თავდასხმაზე პასუხისმგებლობა ტერორისტულმა დაჯგუფება ''ჰამასმა'' აიღო და მას ოპერაცია ''ალ-აკსას'' შტორმი ეწოდა. სარაკეტო იერიშის საპასუხოდ ისრაელის თავდაცვის სამინისტრომ საომარი მდგომარეობა და ოპერაცია ''რკინის ხმლების'' დაწყება გამოაცხადა.
