ოლენა ზელენსკა ისრაელის პირველ ლედის ესაუბრა

გამოქვეყნდა:

უკრაინის პირველი ლედი, ოლენა ზელენსკა ისრაელის პირველ ლედის, მიხალ ჰერცოგს ესაუბრა. როგორც მედია პრეზიდენტის ოფისზე დაყრდნობით წერს, ზელენსკამ ჰერცოგს ისრაელის მხარდაჭერის გამოსახატად დაურეკა და "ჰამასის მიერ განხორციელებული სასტიკი ტერორისტული თავდასხმის შედეგად დაღუპულთა გამო მიუსამძიმრა". 

ჰერცოგის ოფისის ცნობით, ზელენსკამ უთხრა ჰერცოგს, რომ უკრაინელებს შეუძლიათ გაიგონ, რას გრძნობენ ისინი: "ჩვენ შეგვიძლია გავიგოთ თქვენი შეშფოთება და მწუხარება".

მედია წერს, რომ ჰერცოგმა ზელენსკას მადლობა გადაუხადა და უთხრა: "მე ნამდვილად ვაფასებ ამ მოწოდებას - ეს ძალიან გამაძლიერებელი და ძალიან გულთბილია."

შეგახსენებთ, რომ  7 ოქტომბერს, ღაზას სექტორიდან ისრაელზე მოულოდნელი სარაკეტო და სახმელეთო თავდასხმა წამოიწყეს. თავდასხმაზე პასუხისმგებლობა ტერორისტულმა დაჯგუფება "ჰამასმა" აიღო და მას ოპერაცია "ალ-აკსას შტორმი" უწოდა. სარაკეტო იერიშის საპასუხოდ ისრაელის თავდაცვის სამინისტრომ საომარი მდგომარეობა და ოპერაცია "რკინის ხმლების" დაწყება გამოაცხადა.

იხილეთ ასევე:

მთავარი 15:00
უყურეთ ბოლო გამოშვებას

იხილეთ ჩვენს ეთერში

დღის მთავარი