"NATO მზად არის რუსეთთან პოტენციური კონფლიქტისთვის", - ამის შესახებ NATO-ს სამხედრო კომიტეტის თავმჯდომარემ, ადმირალმა რობ ბაუერმა კიევში ყოფნისას განაცხადა. ადმირალი აცხადებს, რომ ალიანსში უსაფრთხოების ვითარების შეცვლა ჯერ კიდევ 2014 წელს რუსეთის მიერ ყირიმის ოკუპაციის შემდეგ დაიწყო.
მისი თქმით, თანამედროვე ომს აქვს სხვა განზომილებები, როგორიცაა კიბერსივრცე ან თავდასხმები კოსმოსში. რუსეთს აქვს გავლენის გზები არქტიკაზე, დასავლეთ ატლანტის ოკეანეში, აფრიკაში, ხმელთაშუა ზღვასა და შავ ზღვაში. ბაუერი აცხადებს, რომ NATO ყურადღებით აკვირდება რუსეთის ქმედებებს.
