არჩევნებზე ხმას ინდივიდუალური კალმებით მივცემთ - ცესკო-ს პროტოკოლი

ცენტრალურმა საარჩევნო კომპსიამ არჩევნებში ჩართულ მხარეებთან კონსულტაციების საფუძველზე კენჭისყრის დღის ეპიდემიოლოგიური პროტოკოლი მიიღო. ცესკო-ს ინფორმაციით, დოკუმენტი იმ სანიტარულ-ჰიგიენურ წესებს განსაზღვრავს, რომლის დაცვითაც ამომრჩევლებმა არჩევნებში მონაწილეობა უნდა მიიღონ. 

ამომრჩევლის მიერ კენჭისყრის შენობაში შესვლის წესები:

• ამომრჩეველს არ გაუზომავენ სიცხეს, თუმცა ის ვალდებულია, ეკეთოს პირბადე;
• ამომრჩეველს უბანზე მისვლისას ორჯერ, მცირე დროით, უწევს პირბადის მოხსნა იდენტიფიცირებისა და კანონით განსაზღვრული პროცედურების შესასრულებლად. თუ ამომრჩეველი არ იხსნის პირბადეს, მასზე არ გაიცემა საარჩევნო ბიულეტენი/ბიულეტენები;
• ამომრჩეველი კენჭისყრის შენობაში უზრუნველყოფილი იქნება ინდივიდუალური კალმით. ამომრჩეველი ხმის მიცემის შემდეგ კალამს განათავსებს კალმებისთვის განკუთვნილ სპეციალურ კონტეინერში.

ინფორმაცია ცენტრალური საარჩევნო კომისიის ვებგვერდზე გამოქვეყნდა.

რაც შეეეხება 31 ოქტომბერს ჩანიშნულ არჩევნებს - მასში მონაწილეობის მისაღებად სულ 66 პოლიტიკური პარტია დარეგისტრირდა. 

შეგახსენებთ, რომ საარჩევნო სისტემის ცვლილების შემდეგ, არჩევნები წელს 120/30 -ზე სისტემით ჩატარდება, რაც იმას ნიშნავს, რომ იქნება 30 მაჟორიტარული წესით (22 რეგიონებში, 8 - თბილისში) და 120 პროპორციული სიით არჩეული დეპუტატი.

საკონსტიტუციო ცვლილებები პარლამენტმა 117 ხმით 3-ის წინააღმდეგ, 29 ივნისს დაამტკიცა. ცვლილებათა
პროექტი გულისხმობს ე.წ. 40%-იან ჩამკეტ მექანიზმსაც. პარტია, რომელიც 2020 წლის საპარლამენტო არჩევნებზე პროპორციული სისტემით 40.54%-ზე ნაკლებ მხარდაჭერას მიიღებს, მთავრობას დამოუკიდებლად ვერ დააკომპლექტებს.