"ლეიბორისტული პარტიის" წევრები გამოკითხვაზე - გამოძიება მათ სხვისი ნივთის დაზიანებას ედავება
გამოქვეყნდა:
საქალაქო სასამართლოში "ლეიბორისტული პარტიის" ახალგაზრდული ფრთის 3 წევრი მაგისტრი მოსამართლის თანდასწრებით გამოკითხეს. გამოძიება მათ სხვისი ნივთის დაზიანებას ედავება.
საუბარია ინციდენტზე, რომელიც 4 დღის წინ გლდანულაში ერთ-ერთ სკვერში მოხდა. ოპოზიციური პარტიის ახალგაზრდული ფრთის წარმომადგენლებმა სკვერში "ქართული ოცნების" დროშები ჩამოხსნეს და საქართველოს ხუთჯვრიანი დროშები დაკიდეს. რა დროსაც ადგილზე "ოცნების" აქტივისტები მივიდნენ და ფიზიკური დაპირისპირება დაიწყო.
"შრომის პარტიის" წევრები ამბობენ, რომ ბრალდება აბსურდულია და მათ წინააღმდეგ საქმე პოლიტიკური მოტივითაა დაწყებული.
