აზერბაიჯანმა ქვეყანაში საომარი მოქმედება გამოაცხადა გადაწყვეტილება
მილი მეჯლისმა საგანგებო სხდომაზე მიიღო. გარდა ამისა, ადგილობრივი მედიის ინფორმაციით, ქვეყნის ზოგიერთ ქალაქში და რეგიონში კომენდანტის საათი გამოცხადდა.
მილი მეჯლისის გადაწყვეტილებას ქვეყნის პრეზიდენტი 48 საათში დაამტკიცებს.
ფართომასშტაბიანი სამხედრო დაპირისპირება მთიან ყარაბაღში დღეს, 27 სექტემბერს განახლდა. არიან დაჭრილები და დაღუპულები.
საგანგებო მიმართვა გაავრცელა სომხეთის პრემიერმინისტრმა და დასავლეთს მოუწოდა გამოიყენოს ყველა ბერკეტი იმისთვის, რომ კონფლიქტში თურქეთი არ ჩაერიოს, რომელმაც თავის მხრივ, ოფიციალური მხარდაჭერა გამოუცხადა აზერბაიჯანს.
მილი მეჯლისი - აზერბაიჯანის ერთპალატიანი პარლამენტი, რომელიც ახორციელებს საკანონმდებლო ხელისუფლებას აზერბაიჯანის რესპუბლიკაში.