ჟურნალისტების კითხვაზე, რას მიიღებს უკრაინა შეერთებულ შტატებთან ბუნებრივი რესურსების შესახებ შეთანხმების გაფორმების სანაცვლოდ, პრეზიდენტმა ტრამპმა თქვა: „350 მილიარდ დოლარს, ბევრ ტექნიკას, სამხედრო ტექნიკას და ბრძოლის გაგრძელების უფლებას“.
„უნდა ვთქვა - უკრაინა... ძალიან მამაცები არიან, კარგი ჯარისკაცები არიან. მაგრამ შეერთებული შტატების და მისი ფულისა და სამხედრო აღჭურვილობის გარეშე, ეს ომი ძალიან სწრაფად დასრულდებოდა“ - აღნიშნა ტრამპმა ოვალურ კაბინეტში, ჟურნალისტებთან საუბრისას.
ტრამპს ასევე ჰკითხეს, რამდენ ხანს შეიძლება გაგრძელდეს უკრაინაში სამხედრო მიწოდება, რაზეც მან უპასუხა: „შესაძლოა, სანამ რუსეთთან შეთანხმება არ გვექნება. ჩვენ გვჭირდება შეთანხმება. წინააღმდეგ შემთხვევაში ყველაფერი გაგრძელდება“.
25 თებერვალს Financial Times-მა გაავრცელა ინფორმაცია, რომ უკრაინა და შეერთებული შტატები წიაღისეულის შესახებ შეთანხმების დეტალებზე შეთანხმდნენ. Reuters-ის ინფორმაციით, კი ზელენსკი პარასკევს ვაშინგტონში ჩასვლას გეგმავს.
