საფრანგეთის პრეზიდენტის, ემანუელ მაკრონის თქმით, ის და დიდი ბრიტანეთის პრემიერმინისტრი, კირ სტარმერი უკრაინაში ცეცხლის ერთთვიანი შეწყვეტის ინიციატივით გამოდიან.
Le Figaro-სთან ინტერვიუში მაკრონი აცხადებს, რომ ამან უნდა მოიცვას საჰაერო, საზღვაო და ენერგეტიკული ინფრასტრუქტურის შეტევების შეჩერება.
მაკრონის თანახმად, ცეცხლის შეწყვეტა იქნება პირველი ეტაპი, რომლის განმავლობაშიც ომის დასრულებაზე მოლაპარაკებები გაგრძელდება.
გუშინ, 2 მარტს სტარმერმა თქვა, რომ ბრიტანეთი და საფრანგეთი უკრაინასთან ცეცხლის შეწყვეტის გეგმაზე იმუშავებენ, რომელსაც აშშ-ს წარუდგენენ.
