ქალაქ სუმზე რუსი ოკუპანტების თავდასხმის შედეგად დაშავებულთა რიცხვი 99-მდე გაიზარდა, მათ შორის 23 ბავშვია. ინფორმაციას სუმის საქალაქო საბჭო ავრცელებს.
ოფიციალური პირების ცნობით, თავდასხმის შედეგებს ახლაც ებრძვიან. 3 ლოკაციაზე შექმნილია სპეციალური შტაბი, ადგილზე მუშაობენ მაშველები და პოლიცია.
შეგახსენებთ, რომ სარაკეტო თავდასხმა სუმზე გუშინ, ადგილობრივი დროით 14:00 საათზე მოხდა. იერიში სუმის მჭიდროდ დასახლებულ საცხოვრებელ უბანზე განხორციელდა. დაზიანდა საცხოვრებელი სახლები და სკოლა.
