ოცნების მე-3 ნომრის წინაპირობები - "ან მე, ირაკლი კობახიძე წავალ პოლიტიკიდან, ან ნიკა გვარამია მედიიდან"
გამოქვეყნდა:
ოცნების მე-3 ნომერი და პარლამენტის გადაყენებული თავმჯდომარე, ირაკლი კობახიძე, არჩევნებამდე 2 დღით ადრე წინაპირობებს დებს.
"გუშინ დაიდო IPSOS-ის მონაცემები, რომლის მიხედვითაც მელია, ხაბეიშვილი და ბოტკოველი არჩევნებს იგებენ, თანაც, პირველ ტურში. მარტივად გეტყვით, თუ ჩვენი სამი კანდიდატიდან - ეს არის კობიაშვილი გლდანში, სუბარი სამგორში და ქადაგიშვილი თელავში, ახმეტაში, ყვარელსა და ლაგოდეხში - რომელიმე მათგანი ვერ მოიგებს არჩევნებს, მე წავალ პოლიტიკიდან. რაც შეეხება საპირისპირო შემთხვევას, თუ სამივე მოიგებს არჩევნებს, შევთანხმდეთ ასეთ რამეზე - ნიკა გვარამიმა წავიდეს ქართული მედიიდან და ქართული პოლიტიკიდან. გადაეცით თქვენს ქალაჩუნა დირექტორს", - ამბობს კობახიძე.
შეგახსენებთ, რომ "მთავარი არხის" დაკვეთით IPSOS-მა მე-4 კვლევა 17 ოქტომბრიდან 27 ოქტომბრის ჩათვლით ჩაატარა. საქართველოს მასშტაბით სულ 2000 რესპონდენტი გამოიკითხა. ცდომილების ფარგლები კი +-2,2%-ია.
კანონით გათვალისწინებული ინფორმაცია გამოქვეყნებულია ჩვენს ვებსაიტზე mtavari.tv სექტორში "არჩევნები 2020".
შეგახსენებთ, "მთავარმა არხმა" გასულ კვირებში IPSOS-ის მიერ ჩატარებული სხვა კვლევებიც გამოაქვეყნა, რომელთა სრულად ნახვაც შეგიძლიათ აქ :
