როგორ დაეხმარება შეზღუდვების პარალელურად მთავრობა მოსახლეობას და ბიზნესს - სრული გეგმა
გამოქვეყნდა:
უწყებათაშორისი საკოორდინაციო საბჭოს გადაწყვეტილებით, საქართველოში 28 ნოემბრიდან ახალი შეზღუდვები ამოქმედდება. შეზღუდვების პარალალურად, პრემიერმინისტრმა, გიორგი გახარიამ ბრიფინგზე ჩამოთვალა ის სოციალური დახმარებები, რომლებსაც სხვადასხვა მოქალაქეები და ბიზნესი მიიღებს.
უფრო კონკრეტულად:
- 4 თვის განმავლობაში კომუნალური გადასახადები როგორც ელექტროენერგიის, ასევე ბუნებრივი აირის, დაიფარება;
- ფორმალურად დასაქმებული პირებისთვის, რომლებმაც სამსახური დაკარგეს, ჯამურად 1 200 ლარის გაცემა 6 თვის განმავლობაში, 1-ლი იანვრიდან თავიდან დაიწყება და დამატებით 6 თვის განმავლობაში გაგრძელდება;
- სოციალურად დაუცველი მოსახლეობა, რომელთა სარეიტინგო ქულა 65 000-დან 100 000-მდეა 6 თვის განმავლობაში, სახელმწიფოს მხრიდან დახმარების სახით 100 ლარს მიიღებს.
- დამატებით 0-დან 100 000 ქულამდე მქონე ოჯახები, ვისაც ჰყავთ 3 ან მეტი არასრულწლოვანი, 16 წლამდე შვილი, 6 თვის განმავლობაში ყოველთვიურად სახელმწიფოს მხრიდან მიიღებენ 100 ლარის ოდენობის დახმარებას.
- 18 წლამდე შეზღუდული შესაძლებლობის მქონე და მკვეთრად გამოხატული შშმ პირებისთვის 100-ლარიანი დახმარება გაგრძელდება 6 თვის განმავლობაში.
რაც შეეხება ბიზნესს:
- ბიზნეს სექტორისთვის საშემოსავლო გადასახადის სუბსიდირება 6 თვით გაგრძელდება;
- სესხების გადავადებაში დაეხმარებიან იმ ობიექტებს, ინდმეწარმეებსა და ფიზიკურ პირებს, რომლებსაც შეზღუდვები შეეხებათ;
- ტურიზმის სექტორი (სასტუმროები, რესტორნები) 2021 წელს ქონების გადასახადისგან გათავისუფლდება;
- ტურიზმის სექტორი 2020 წლის 4 თვით გადავადებული საშემოსავლო გადასახადისგან გათავისუფლდება;
- რესტორნებისა და სასტუმროების სესხებზე მოხდება სუბსიდირება 6 თვის განმავლობაში.
ნახეთ შეზღუდვების სია სრულად:
28 ნომებრიდან ქვეყანაში ახალი შეზღუდვები ამოქმედდება - ნახეთ სია სრულად
